NoOna
عدد المساهمات : 53 نقاط : 111 تاريخ التسجيل : 26/04/2011 العمر : 31 الموقع : saudi arabia
| موضوع: أنوااع الاطفاال الخميس مايو 12, 2011 7:21 am | |
| انواع الاطفال..........
اي الاطفال كنت؟؟؟؟؟؟
الطفل البريء ...
في المنزل تجده حبوووب وطبيعي 100 % لكن مع دخوله المدرسة .. ( تنمحي ) شخصيته .. فتكثر الاصابات في وجهه .. لأنه مايدافع عن نفسه ..
الطفل العنيد ...
يطبق نظام البيت بالعكس .. يسوي اللي براسه .. مايخاف من الأب أو الأم .. لو قلت له هذا خطر لاتقربه .. عناد فيك يسويه .. يُــضرب كثيراً في طفولته .. ومع ذلك عنيد مايغير رايه ..
الطفل الحنّـان ...
يستخدم وسيلة الحنة لتلبية رغباته له نغمه خاصه في المنزل .. تلبى رغباته كـُرهاً .. يعانون اهله من الصداع المستمر ..
الطفل المادي ...
هذا الطفل مايرد السلام الا ( بفلوس ) .. تعامله مع اهل المنزل .. مادي بحت .. يستخدمونه لتوصيل طلبات المنزل .. ونقل السوالف.. وكل شي بحسابه ..
الطفل الفتّــان ...
تجد عند هذا النوع جميع اخبار المنزل .. يجد المتعه في اذلال غيره بالفتنه عليه .. ماله خاتمه .. هذا الطفل حتى لو شريت سكوته بفلوس .. توقع تلقى اخبارك ثاني يوم في الصفحه الرئيسية .. في الجريدة الرسمية ..
الطفل الدلوع ...
هذا دلوع ماما وبابا .. يكرهونه باقي الاطفال لانه مرفه وشايف نفسه عليهم.. تلبى رغباته قبل ليطلبها .. شخصيته اتكاليه جداً ..
الطفل العله ...
يزعجك بأسئلته الي ماتنتهي .. يستفسر من كل شي .. حتى لو عطست .. قالك شلون عطست .. وليش عطست .. وشلون تكونت العطسه .. يحرجك احياناً .. ويمكن دائماً بأسئلته .. مره تجاوب عليه ومره تسفهه .. واكثر الاوقات ماتلقى اجابه لاسئلته .. لانك في الحقيقه تجهلها ..
الطفل الداج ...
هذا الطفل مستحيل يجلس في المنزل .. يعيش في الشارع اكثر من بيته .. خبره ودليل في كل ممر وطريق .. يعرف طول الشارع بالسنتيمتر .. من الممكن ان يصبح اذا كبر مهندس طرق .. ابابا .. يكرهونه باقي الاطفال لانه مرفه وشايف نفسسوالفه .. فصيح جداً .. ويلقط العبارات والمفردات بسرعة مذهله .. يسبب احراج دائم لأهله .. من الممكن ان يقول كلمة بالغلط للضيوف او الاقارب .. يتميز احياناً بقلة الذووق والوقاحة اذا انفعل .. لاينصح بأستفزازه ابداً ..
الطفل اللزقه ...
تلقاه مسنتر عند باب البيت .. محد يطلع الا وهو لازق معاه .. حتى الضيوف من الممكن تلقاه يلزق فيهم ويطلع معاهم .. يـُـضرب كثيراً .. وخاصه من اخوانه اللي اكبر منه .. او خواته .. لانه عباره عن رادار على طلعاتهم .. احياناً يضطرون يطلعون من نافذة المنزل للهروب منه .. ولكن للأسف يجدونه بانتظارهم في السيارة ..ويسألهم ليش تأخرتوا عليّ ..
الطفل الهادي ...
هذا الطفل ماله صوت ابد .. وين ماتحطه تلقاه .. احياناً يهملونه اهله .. لانهم ناسينه .. واحياناً يلقى اهتمام زائد من اهله .. لو يموت من الجوع ماتكلم .. في كثير من الاحيان تلقى اهله ناسينه بالسوق او عند الاقارب اثناء الزيارات ..
الطفل القوي ...
اهله دائماً في احراج و مشاكل مع الناس .. هرمون الاجرام مرتفع بنسبة عالية في جسمه .. في كل جبهة طفل في ( منطقتهم ) تلقى له أثر وتوقيع .. يمثل القائد والفتوه .. يهابونه الاطفال .. يتقرب منه الكبار ويتوددون له حفاظاً على سلامة اطفالهم | |
|
SmSo0mA
عدد المساهمات : 478 نقاط : 588 تاريخ التسجيل : 25/04/2011 العمر : 27 الموقع : نص الارض
| موضوع: رد: أنوااع الاطفاال الخميس مايو 12, 2011 9:34 pm | |
| موضوع حلو ان نعرف عن انواع الاطفال
حتى تعرفين تتعاملين وياهم
ثانكس على الموضوع الحلو
تقبلي مروري | |
|
3o0sha
عدد المساهمات : 485 نقاط : 687 تاريخ التسجيل : 26/04/2011 الموقع : twitter.com
| موضوع: رد: أنوااع الاطفاال الخميس مايو 12, 2011 10:20 pm | |
| | |
|
أسير الإحساس عضو نشيط
عدد المساهمات : 66 نقاط : 84 تاريخ التسجيل : 29/04/2011 العمر : 34 الموقع : في بيت المامــــــــــــــا
| موضوع: رد: أنوااع الاطفاال الخميس مايو 12, 2011 11:56 pm | |
| موووووضوع رائع ان تعرف اي انواع الاطفال انت يسلموووو لكس تحياتي | |
|
NoOna
عدد المساهمات : 53 نقاط : 111 تاريخ التسجيل : 26/04/2011 العمر : 31 الموقع : saudi arabia
| موضوع: رد: أنوااع الاطفاال الجمعة مايو 13, 2011 1:52 am | |
| مشكووورين عالتواجد
تحياتي لكم.. | |
|
Q8IA
عدد المساهمات : 692 نقاط : 920 تاريخ التسجيل : 17/04/2011 العمر : 31 الموقع : ~<دانـة الـدنـيــا>~
| |
nanooSHa
عدد المساهمات : 443 نقاط : 515 تاريخ التسجيل : 29/04/2011 العمر : 27
| موضوع: رد: أنوااع الاطفاال الجمعة مايو 13, 2011 8:09 pm | |
| الطفل الدلوع ...
يسلمؤؤ عالموضؤؤع ~ | |
|